శ్రీ రాఘవేంద్ర స్వామి మఠానికి రూ.15.73 లక్షల విరాళాలు

మంత్రాలయం శ్రీ గురు రాఘవేంద్ర స్వామి మఠానికి భక్తుల నుంచి రూ. 15. 73 లక్షలు విరాళం రూపంలో వచ్చినట్లు శ్రీ మఠం మేనేజర్ వెంకటేశ్ జోషి తెలిపారు. వరుస సెలవులు ఉన్న నేపథ్యంలో రాఘవేంద్రులను దర్శించుకునేందుకు అధిక సంఖ్యలో భక్తులు తరలివచ్చారు. దర్శనానంతరం మఠం అన్నదానం, గోసంరక్షణ, విద్యాదానం, తదితర సేవల నిమిత్తం విరాళాలు సమర్పించినట్లు తెలిపారు.