నిడదవోలు: ప్రత్యేక అలంకరణలో శ్రీ కోట సత్తెమ్మ

నిడదవోలు మండలం తిమ్మరాజుపాలెం గ్రామంలో కొలువైన శ్రీ కోట సత్తెమ్మ అమ్మవారి క్షేత్రంలో నిర్వహిస్తున్న దసరా మహోత్సవాలు శనివారంతో మూడవ రోజుకు చేరుకున్నాయి. ఈ సందర్భంగా అమ్మవారికి ఆలయ అర్చకులు ప్రత్యేక అలంకరణ చేశారు. అమ్మవారిని భక్తులు అధిక సంఖ్యలో దర్శించుకున్నారు. ఆలయ ప్రాంగణంలో కుంకుమ పూజా కార్యక్రమాలను నిర్వహించారు. ఈ కార్యక్రమంలో ఆలయ సిబ్బంది పాల్గొన్నారు.