మైనర్ బాలిక అదృశ్యంపై కేసు నమోదు

మైనర్ బాలిక అదృశ్యంపై కేసు నమోదు చేసినట్లు ఉండ్రాజవరం ఎస్సై గుబ్బల శ్రీనివాసరావు బుధవారం తెలిపారు. వివరాల ప్రకారం ఉండ్రాజవరం మండలం మోర్తకు చెందిన బాలిక(16) తణుకులోని ఓ ఆసుపత్రిలో పని చేస్తోందన్నారు. మంగళవారం ఉదయం ఇంటి నుంచి వెళ్లిన ఆమె తిరిగి రాలేదు. స్నేహితులు, బంధువులు ఇంటి వద్ద వెతికినా ఆచూకీ లభించకపోవడంతో ఆమె తల్లి బుధవారం పోలీసులకు ఫిర్యాదు చేశారు. కేసు నమోదు చేసి దర్యాప్తు చేపట్టారు.