దసరా వేడుకల్లో అపశృతి

ఏపీలోని కడప, కోనసీమ జిల్లాల్లో శనివారం దసరా వేడుకల్లో అపశృతి చోటు చేసుకుంది. కడపలోని బెల్లంబండి వీధిలో దసరా ఊరేగింపులో పందిరి పై భాగానికి విద్యుత్ తీగలు తగిలాయి. దాంతో విద్యుత్ షాక్‌ కొట్టి ఓ వ్యక్తి మృతి చెందగా.. మరో ఇద్దరు గాయపడ్డారు. మరోవైపు కోనసీమ జిల్లా అమలాపురం మండలం కొంకాపల్లిలో వినయ్ అనే యువకుడు డ్యాన్స్ చేస్తూ కుప్పకూలాడు. ఆస్పత్రికి తరలించగా.. అప్పటికే మృతి చెందినట్లు వైద్యులు నిర్ధారించారు.