నగిరి: మహాలక్ష్మి అమ్మవారి ఆలయంలో ప్రత్యేక పూజలు

నగరి నియోజకవర్గంలోని కూనమరాజుపాలెం శ్రీ మహాలక్ష్మీ అమ్మవారి ఆలయంలో మంగళవారం సందర్భంగా ప్రత్యేక పూజలను నిర్వహించారు. ఈ కార్యక్రమంలో భాగంగా మహాలక్ష్మి దేవికి పంచామృతాభిషేకాలను నిర్వహించారు. అనంతరం పలు రకాల పుష్పాలు, ఆభరణాలతో విశేష అలంకరణ చేశారు. ఆలయానికి పలు ప్రాంతాల నుంచి పెద్ద సంఖ్యలో భక్తులు విచ్చేసి అమ్మవారిని దర్శించుకున్నారు. నిర్వాహకులు భక్తులకు తీర్థ ప్రసాదాలను అందజేశారు.