చినుకు పడితే విద్యార్థులకు తప్పని తిప్పలు

కనిగిరి పట్టణంలోని జూనియర్ కళాశాలలో ఉన్న బాలికల సమీకృత వసతి గృహానికి వర్షం పడితే, హాస్టల్ లోపలికి వెళ్లే దారిలేక విద్యార్థులు ఇబ్బందులు ఎదుర్కొంటున్నారు. బుధవారం వర్షం పడి హాస్టల్ ముందు వర్షపునీరు నిలిచి బురదమయంగా మారింది. అపరిశుభ్ర వాతావరణంతో అంటువ్యాధులు ప్రబలే అవకాశం ఉన్నందున, వర్షపునీరు నిలవకుండా సంబంధిత అధికారులు చర్యలు తీసుకోవాలని విద్యార్థులు కోరుతున్నారు.