కెనాల్ పై పార్కింగ్ చేసిన టిప్పర్ చోరీ

వరంగల్ మట్టెవాడ పీఎస్ పరిధిలోని కెనాల్ పై పార్కింగ్ చేసిన టిప్పర్ చోరీకి గురైనట్లు సోమవారం సీఐ తుమ్మ గోపి తెలిపారు. ధర్మసాగర్ కి చెందిన ముప్పారపు దుర్గారాజుకు చెందిన టిప్పర్ ను ఈ నెల 9న డ్రైవర్ శేఖర్ ములుగురోడ్డులోని దత్తక్షేత్రం సమీపంలో పార్కింగ్ చేశాడు. 10వ తేదీన ఉదయం వచ్చి చూడగా టిప్పర్ కనబడలేదు. దాని విలువ రూ. 26లక్షలు ఉంటుందని తెలిపారు. కేసు నమోదు చేసి దర్యాప్తు చేస్తున్నట్లు సీఐ తెలిపారు.