ములుగు: సైకిల్ పై వెళ్తున్న వ్యక్తిని ఢీకొన్న లారీ
సైకిల్ పై వెళ్తున్న వ్యక్తిని ఇసుక లారీ ఢీ కొట్టిన ఘటన ములుగు జిల్లా నూగూరు వెంకటాపురం మండలంలో జరిగింది. స్థానికుల వివరాలు ప్రకారం.. వెంకటాపురం మండలం వెంగళరావుపేట వద్ద నగేష్ అనే వ్యక్తి సైకిల్ పై వెళ్తుండగా ఇసుక లారీ ఢీ కొట్టడంతో కిందపడి గాయాలయ్యాయి. గమనించిన స్థానికులు హుటాహుటిన బాధితుడిని స్థానిక ప్రభుత్వ వైద్యశాలకు తరలించారు. ప్రస్తుతం బాధితుడి పరిస్థితి నిలకడగా ఉందని వైద్యులు తెలిపారు.
