గంజాయి నిర్మూలనకు ప్రతి ఒక్కరు కృషి చేయాలి: ఎస్సై

గంజాయి నిర్మూలన కోసం ప్రతి ఒక్కరు కృషి చేయాలని ఏటూరునాగారం ఎస్సై తాజుద్దీన్ అన్నారు. ఏటూరునాగారం మండలం చిన్నబోయినపల్లిలో గ్రామస్తులతో గురువారం సమావేశం నిర్వహించారు. ఎస్సై మాట్లాడుతూ. మత్తు పదార్థాలు, గంజాయి, గుడుంబా వంటి వాటికి యువత దూరంగా ఉండాలన్నారు. గుడుంబా విక్రయాలు జరిపితే కఠిన చర్యలు తీసుకుంటామని హెచ్చరించారు. రోడ్డు ప్రమాదాల నివారణకు ప్రతి ఒక్కరు ముందుకు రావాలని, నిబంధనలు పాటించాలని సూచించారు.