యాదగిరిగుట్ట: నేత్రపర్వంగా ఊంజల్‌ సేవోత్సవం

యాదాద్రి శ్రీలక్ష్మీనరసింహస్వామి ఆలయంలో శుక్రవారం ఊంజల్‌ సేవోత్సవం వైభవంగా నిర్వహించారు. వేకువజామున సుప్రభాత సేవతో స్వయంభువులను మేల్కొలిపిన అర్చకులు పంచామృతాలు, వేద మంత్ర పఠనాలతో అభిషేకం, తులసీదళాలు, కుంకుమతో అర్చించారు. ఆండాళ్‌ అమ్మవారిని పట్టువస్త్రాలు, బంగారు ఆభరణాలతో అలంకరించి అద్దాల మండపం ఊయలలో అధిష్టింపజేశారు. అర్చకుల వేదమంత్రాలు, మహిళా భక్తుల నీరాజనాల నడుమ ఊంజల్‌ సేవోత్సవం నేత్రపర్వంగా కొనసాగింది.