రాష్ట్ర స్థాయి రెజ్లింగ్లో.. రుక్మాపూర్ రెజ్లర్లకు పతకాలు

రాష్ట్ర స్థాయి రెజ్లింగ్ పోటీలో రుక్మాపూర్ సైనిక పాఠశాలకు చెందిన రెజ్లర్లు రాణించి పలు పతకాలు కైవసం చేసుకున్నారు. ఈమేరకు హైదరాబాదులో ఈనెల 15, 16 తేదీల్లో జరిగిన స్కూల్ గేమ్స్ ఫెడరేషన్ రాష్ట్ర స్థాయి అండర్ -19 రెజ్లింగ్ పోటీల్లో క్రీడాకారులు రెండు రజత, మూడు కాంస్య పతకాలు సాధించారు. పి. విజయ్ కుమార్, టి. సిద్ధార్థలు రజత పతకం కైవసం చేసుకోగా, బి. నర్సింహ, కె. రాజరథన్, ఎన్. దినేష్ కాంస్య పతకాలు గెలుచుకున్నారు.