షాద్‌నగర్: ప్రభుత్వ జూనియర్ కళాశాల భవన నిర్మాణానికి విరాళాల వెల్లువ

ప్రభుత్వ పాఠశాలలు, కళాశాలలో చదువుకున్న విద్యార్థులు ఎందరో మంచి ప్రతిభతో సమాజంలో ఏదో ఒక రంగంలో రాణిస్తున్నారని అలాంటి ప్రభుత్వ చదువులే ఎంతో మేలని కొత్తూరు మాజీ ఎంపీపీ ఎం శివశంకర్ గౌడ్ అన్నారు. షాద్‌నగర్ పట్టణంలో నూతనంగా నిర్మిస్తున్న ప్రభుత్వ జూనియర్ కళాశాల భవనానికి శనివారం కొత్తూరు మాజీ ఎంపీపీ మంచనపల్లి ప్రియాంక శివశంకర్ రూ. 5 లక్షల విరాళం స్థానిక ఎమ్మెల్యే వీర్లపల్లి శంకర్ చేతుల మీదుగా అందజేశారు.