ஆந்திர முதல்வர் சந்திரபாபு நாயுடுவின் சகோதரர் காலமானார்

ஆந்திர முதல்வர் சந்திரபாபு நாயுடுவின் இளைய சகோதரர் ராமமூர்த்தி நாயுடு (72) காலமானார். மாரடைப்பு காரணமாக ஐதராபாத்தில் உள்ள தனியார் மருத்துவமனையில் அனுமதிக்கப்பட்ட அவருக்கு வென்டிலேட்டர் உதவியுடன் சிகிச்சை அளிக்கப்பட்டது. ஆனால், சிகிச்சை பலனின்றி நேற்று (நவ.16) அவர் உயிரிழந்தார். ராமமூர்த்தி நாயுடு தெலுங்கு தேசம் கட்சி சார்பில் 1994 சட்டப்பேரவை தேர்தலில் சந்திரகிரி தொகுதியில் போட்டியிட்டு வெற்றி பெற்றார் என்பது குறிப்பிடத்தக்கது.