పేజర్లు, వాకీటాకీలు పేలిన ఘటన.. 32కు చేరిన మృతులు

అనూహ్య దాడులతో లెబనాన్‌ దేశం వణికిపోతోంది. మొన్న హెజ్‌బొల్లా సభ్యులు ఉపయోగించే వేలాది పేజర్లు పేలిపోయిన ఘటన నుంచి తేరుకోకముందే.. నిన్న వాకీటాకీలు వరుసగా పేలిపోయాయి. ఈ ఘటనల్లో మృతుల సంఖ్య అంతకంతకూ పెరుగుతోంది. ఇప్పటివరకు 32 మంది మృతిచెందగా.. మరో 3,250 మంది గాయపడినట్లు తెలుస్తోంది. పేజర్లు పేలిన ఘటనలో 12 మంది మరణించగా.. బుధవారం నాటి వాకీటాకీల పేలుళ్లలో మరో 20 మంది ప్రాణాలు కోల్పోయినట్లు సమాచారం.