వేములపల్లిలో భారీ వర్షానికి దెబ్బతిన్న వరి పంట

వేములపల్లి మండలంతో పాటు పరిసర గ్రామాలు ఆమనగల్లు, లక్ష్మీదేవి గూడెం, రావులపెంట, సల్కనూరులో మంగళవారం రాత్రి కురిసిన భారీ వర్షానికి దెబ్బతిని వరి పంట నేలకొరిగింది. కోత దశలో ఉన్న పంట వర్షం కారణంగా నేలమటమైయింది. దీంతో రైతులు ఆర్థికంగా నష్టానికి గురవుతున్నారు. రైతులు ఆరుగాలం శ్రమించి పెంచిన పంట చేతికి వచ్చే సమయంలో భారీ వర్షం పడటంతో పెద్ద మొత్తంలో నష్టం వాటిల్లిందని ఆందోళన వ్యక్తం చేస్తున్నారు.