మరికల్ మండలంలో వైభవంగా జరుగుతున్న నవరాత్రి వేడుకలు

మరికల్ మండలంలో దుర్గామాత శరన్నవరాత్రి ఉత్సవాలు వైభవంగా కొనసాగుతున్నాయి. శనివారం మరికల్ మండల కేంద్రంలోని కన్యకాపరమేశ్వరి అమ్మవారు, గాయత్రీదేవి, ఎలిగండ్ల గ్రామంలోని దుర్గామాత అమ్మవారు అన్నపూర్ణ దేవి అలంకరణలో భక్తులకు దర్శనమిచ్చారు. ఆలయాల అర్చకులు అమ్మవారికి ప్రత్యేక పూజలు చేశారు. భక్తులు భక్తిశ్రద్ధలతో అమ్మవారిని దర్శనం చేసుకొని ప్రత్యేక పూజలు చేశారు.