వైభవంగా శరన్నవరాత్రుల ఉత్సవాలు

జోగులాంబ గద్వాల జిల్లా అలంపూర్ లోని జోగులాంబ బాల బ్రహ్మేశ్వర స్వామి ఆలయాలలో గురువారం దేవి శరన్నవరాత్రుల ఉత్సవాల సందర్భంగా తొలిరోజు అమ్మవారు శైలపుత్రి దేవి అలంకరణలో భక్తులకు దర్శనమిచ్చారు. మొదటి రోజు సందర్భంగా అమ్మవారిని దర్శించుకునేందుకు భక్తులు వివిధ ప్రాంతాల నుంచి తరలివచ్చారు. ఆలయ ప్రాంగణం భక్తులతో కిటకిటలాడింది.