కొత్తకోట: నేడు అర్ధనారీశ్వరిగా జ్ఞానాంబికా దేవి దర్శనం

దేవరకద్ర నియోజకవర్గం వనపర్తి జిల్లా కొత్తకోట కానాయిపల్లి కోటిలింగేశ్వర దత్త దేవస్థానంలో సోమవారం జ్ఞానాంబికా దేవి అర్ధనారీశ్వరి అలంకరణతో భక్తులకు దర్శనమిచ్చారు. ఈ సందర్భంగా అమ్మవారి భక్తులు స్వహస్తాలతో 108కలశాలతో అర్ధనారీశ్వరిని అభిషేకించి అర్చనలు చేశారు. ధూప, దీప, నైవేద్యాలతో మహామంగళారతి నిర్వహించారు. అనంతరం ఆలయ కమిటీ ఆధ్వర్యంలో భక్తులకు అన్నదాన వితరణ చేశారు. మహిళా భక్తులు పెద్ద సంఖ్యలో పాల్గొని మాతను కొలిచారు.