మణుగూరు: ఉచిత కంటి వైద్య శిబిరాన్ని ప్రారంభించిన ఎమ్మెల్యే

మణుగూరు వంద పడకల ప్రభుత్వాసుపత్రిలో ఏర్పాటు చేసిన ఉచిత కంటి వైద్య శిబిరాన్ని ఎమ్మెల్యే పాయం వెంకటేశ్వర్లు శనివారం ప్రారంభించారు. అనంతరం చికిత్స పొందిన పలువురికి ఎమ్మెల్యే మందులను అందజేశారు. ఉచిత కంటి వైద్య శిబిరం ఏర్పాటు చేసి ప్రజలకు వైద్య పరీక్షలు నిర్వహించి, ఉచితంగా మందులను అందజేసిన నిర్వాహకులను ఎమ్మెల్యే అభినందించారు. ఈ కార్యక్రమంలో ప్రభుత్వాసుపత్రి వైద్య సిబ్బంది, వైద్యాధికారులు పాల్గొన్నారు.