పాల్వంచ: బొగ్గు వ్యాగన్లో మృతదేహం
పాల్వంచ కేటీపీఎస్ అయిదో దశలో బొగ్గువ్యాగన్ లో మంగళవారం మృతదేహం లభ్యమవటం కలకలం రేపింది. మృతుడు సుజాతనగర్ కు చెందిన రమేశ్ (35)గా గుర్తించారు. రుద్రంపూర్ నుంచి వ్యాగన్ బొగ్గు లోడుతో రావడంతో దిగుమతి చేసుకొనే క్రమంలో మాడిల్స్లో వేసిన బొగ్గు కిందికి రాకపోవడంతో సంబంధిత ఉద్యోగులు గ్రిడ్లో చూస్తే మృతదేహం కనిపించింది. పోలీసులకు సమాచారం చేరవేశారు. అధికారుల ఫిర్యాదు మేరకు పోలీసులు దర్యాప్తు జరుపుతున్నారు.
