ఉరుములు మెరుపులతో భారీ వర్షం

సుజాతనగర్ మండల పరిధిలో ఉరుములు మెరుపులతో కూడిన భారీ వర్షం పడింది. శుక్రవారం భారీ వర్షం కారణంగా సుజాతనగర్ నుండి సీతంపేట వెళ్లే దారిలో ముత్యాలమ్మ గుడి పక్కన ఉన్న భారీ తుమ్మ చెట్టు ఒక్కసారిగా విరిగి గుడిపై పడడంతో గుడి పూర్తిగా కూలిపోయింది. వర్షం, ఈదురుగాలులతో గుడిలో ఆగిన ఒక వ్యక్తి పై కొమ్మలు పడడంతో గాయాలు అయ్యాయి. అక్కడే ఉన్న రెండు ద్విచక్ర వాహనాలు సైతం ధ్వంసమయ్యాయి.