ఒకే కుటుంబానికి చెందిన ముగ్గురు ఆత్మహత్యాయత్నం
సికింద్రాబాద్‌లోని ఓ హోటల్లో ఒకే కుటుంబంలో ముగ్గురు వ్యక్తులు ఆత్మహత్యాయత్నానికి పాల్పడిన సంఘటన కలకలం సృష్టించింది. మంగళవారం పోలీసుల వివరాల ప్రకారం.. అత్తింటి వారు వేధింపులకు పాల్పడుతున్నారని కోడలు పోలీసు స్టేషన్లో ఫిర్యాదు చేసింది. కోడలు ఫిర్యాదు చేయడంతో మనోవేదనకు గురై జ్యూస్‌లో మత్తు పదార్థం కలుపుకుని తాగి ఆత్మహత్యాయత్నానికి పాల్పడ్డారు. వీరు కొత్తగూడెం జిల్లాకు చెందిన సృజన్ (23), నారాయణ (52) పద్మావతి (47)లుగా పోలీసులకు గుర్తించారు.
