కళాశాలలో ఘనంగా బతుకమ్మ సంబరాలు.

బాన్సువాడ మండలంలోని సాయి కిరణ్ ఒకేషనల్ జూనియర్ కళాశాల మరియు శశాంక్ డిగ్రీ కళాశాల ప్రిన్సిపాల్ హషాం&హకీమ్ ఆధ్వర్యంలో సోమవారం ఘనంగా బతుకమ్మ సంబరాలు నిర్వహించారు. అక్టోబర్ 2 నుండి దసరా సెలవుల నేపథ్యంలో ముందుగానే నిర్వహించినట్టు తెలియజేశారు. ఈ నేపథ్యంలో విద్యార్థులు వివిధ రకాల పుష్పాలతో బతుకమ్మను సర్వాంగ సుందరంగా అలంకరించి గౌరమ్మకు ప్రత్యేక కన్నుల పండుగగా నిర్వహించి, విద్యార్థులు ఆటపాటలతో బతుకమ్మ ఆడారు. అనంతరం బతుకమ్మలను స్థానిక మినీ ట్యాంక్ బండ్ గా పేరొందిన కల్కి చెరువులో నిమజ్జనం చేశారు. తెలంగాణ సంస్కృతి సాంప్రదాయాలను ప్రతిబింబిచే సంబరాలలో విద్యార్థులు ఉత్సాహంగా పాల్గొన్నారు. ఈ సందర్భంగా కళాశాల ప్రిన్సిపల్ మాట్లాడుతూ బతుకమ్మ వేడుకలు విద్యార్థులలో సమైక్యత, పరస్పర సహకారం, మానసిక వికాసాన్ని పెంచుతుందని అన్నారు. ఈ కార్యక్రమంలో కళాశాల ఉపాధ్యాయులు ఉమాదేవి, లిఖిత, మహేశ్వరి, కాశీరాం, సుధీర్, రవి, హుస్సేన్ పాల్గొన్నారు.