అంబరానంటిన వార్షికోత్సవ సంబరాలు

బాన్సువాడ పట్టణం లోని శ్రీ సాయి కిరణ్ ఒకేషనల్ జూనియర్ కళాశాల వార్షికోత్సవం స్థానిక మీనా గార్డెన్ లో ఆనందం వెల్లివిరిసింది. సోమవారం జరిగిన వార్షికోత్సవ వేడుకల్లో విద్యార్థినులు ఆట, పాటలతో అలరించారు. మరికొందరు విద్యార్థినులు ఆడవారిపై జరుగుతున్న అఘాయిత్యాల ప్రదర్శనతో ఆకట్టుకున్నారు.

ఈ సందర్భంగా నిర్వహించిన సాంస్కృతిక కార్యక్రమాల్లో విద్యార్థినులు సందడి చేశారు. ఈ కార్యక్రమానికి ముఖ్య అతిథిగా శశాంక్ డిగ్రీ కాలేజ్ ప్రిన్సిపాల్ సయ్యద్ హకీం, ఎస్సీ గర్ల్స్ హాస్టల్ వార్డెన్ గంగ సుధా, ఎస్టి గర్ల్స్ హాస్టల్ వార్డెన్ విజయభారతి ముఖ్య అతిథులుగా హాజరయ్యారు.

అనంతరం చదువులో మరియు ఆటలలో ప్రతిభ కనబర్చిన విద్యార్థి, విద్యార్థినులకు బహుమతులను అందజేశారు. ఉన్నత విద్య బోధన అందిస్తున్న కళాశాల అధ్యాపక బృందానికి కళాశాల ప్రిన్సిపాల్ సయ్యద్ హశం ఘనంగా సన్మానించారు. ఈ కార్యక్రమంలో ప్రిన్సిపల్ సయ్యద్ హశం, అధ్యాపకులు సుధీర్, రవీందర్, రాజేష్, సంగ్రామ్, కాశీరామ్, హుస్సేన్, లిఖిత, మహేశ్వరి, ఉమాదేవి పాల్గొన్నారు.