రామంతాపూర్ లో అర్ధరాత్రి వరకు బతుకమ్మ సంబరాలు

రామంతాపూర్ డివిజన్ పరిధి శాంతి నగర్ కాలనీలో సద్దుల బతుకమ్మ వేడుకలు గురువారం అర్ధరాత్రి వరకు నిర్వహించారు. ఈ వేడుకల్లో ఆడపడుచులు తీరైన రీతిలో బతుకమ్మలను పేర్చి పాటలు పాడుతూ ఆటలు ఆడారు. మొదటి నుంచి చివరి వరకు భాగా ఆడిన ఆడపడుచులకు, బతుకమ్మలను అందంగా పేర్చిన వారికి కాలనీ అసోసియేషన్ వారు బహుమతులను అందజేశారు. ఈ కార్యక్రమంలో కాలనీ ప్రెసిడెంట్, వైస్ ప్రెసిడెంట్ లు తదితరులు పాల్గొన్నారు.