పరిగి మండలంలో గుప్త నిధుల కోసం వేట

వికారాబాద్ జిల్లా పరిగి మండలం సయ్యద్ పల్లి గ్రామంలో గుప్త నిధుల వేట కలకలం రేపింది. ఓ పాడు పడ్డ ఇంట్లో ఓ గ్రామానికి చెందిన కొందరు ఆదివారం మెటల్ డిటెక్టర్ తో పట్టపగలే గుప్త నిధులు గుర్తించే ప్రయత్నం చేశారు. అనుమానం వచ్చిన కొందరు స్థానికులు పోలీసులకు ఫిర్యాదు చేశారు. దీంతో మెటల్ డిటెక్టర్ తో పాటు ఓ మహిళను, ముగ్గురు వ్యక్తులను పోలీసులు అదుపులోకి తీసుకున్నారు. దీనిపై పూర్తి సమాచారం తెలియాల్సి ఉంది.