సేవ్ దామగుండం.. ఘనంగా బతుకమ్మ సంబరాలు
వికారాబాద్ జిల్లా పూడూరు మండలంలోని దామగుండం రామలింగేశ్వర స్వామి ఆలయం వద్ద ఆదివారం ఘనంగా బతుకమ్మ సంబరాలు నిర్వహించారు. సేవ్ దామగుండం కార్యక్రమంలో భాగంగా జిల్లాలోని వివిధ మండలాల మహిళలు, మహిళా సంఘాల నాయకులు పెద్ద ఎత్తున పాల్గొని బతుకమ్మ ఆడారు. పాటలు పాడుతూ నృత్యం చేశారు. అనంతరం బతుకమ్మకు పూజలు నిర్వహించి, నిమజ్జనం చేశారు. ఈ సంబరాల్లో జేఏసీ మహిళా సభ్యులు, వివిధ సంఘాల నాయకులు పాల్గొన్నారు.
