గణేశ్ శోభాయాత్ర వేళ మార్గదర్శకాలను విడుదల చేసిన హైదరాబాద్ పోలీసులు

హైదరాబాద్ లో గణేష్ నిమజ్జనాలు మెుదలయ్యాయి. దీంతో శోభాయాత్రలో భక్తులు పాటించవలసిన నిబంధనల గురించి హైదరాబాద్ పోలీసులు మార్గదర్శకాలను విడుదల చేశారు. ఒక వాహనంలో ఒక విగ్రహాన్ని మాత్రమే తీసుకెళ్లాలని, ఆ వాహనంపై లౌడ్ స్పీకర్, డీజే సిస్టమ్ ఉండకూడదని స్పష్టం చేశారు. ఆ వాహనంలో మద్యం తాగిన వ్యక్తులు ఉన్నా, ఆయుధాలు, మండే పదార్థాలు తీసుకెళ్లినా అనుమతించరని తెలిపారు. బాణాసంచా కాల్చొద్దు. కలర్లను బాటసారులపై వేయొద్దని సూచించారు.