వనపర్తి: యువత చెడు వ్యసనాలకు దూరంగా ఉండాలి... ఎస్పీ

యువత చెడు వ్యసనాలకు దూరంగా ఉండాలని, మత్తుకు బానిసై బంగారు భవిష్యత్తును నాశనం చేసుకోవద్దని వనపర్తి జిల్లా ఎస్పీ రావుల గిరిధర్ సూచించారు. జిల్లా కేంద్రంలోని పాలిటెక్నిక్ కళాశాల ఆడిటోరియంలో విద్యార్థులకు చెడు వ్యసనాలతో కలిగే అనర్థాలపై గురువారం అవగాహన కల్పించారు. ఈ సందర్భంగా ఎస్పీ మాట్లాడుతూ. యువత మాదక ద్రవ్యాలకు దూరంగా ఉండాలన్నారు. విద్యార్థినులకు షీటీం రక్షణ కల్పిస్తుందని, ప్రమాదం ఉంటే 100కు కాల్ చేయాలన్నారు.