ఎలుగుబంటి దాడిలో పశువుల కాపరికి గాయాలు

నాగర్ కర్నూల్ జిల్లా అమ్రాబాద్ మండలం ఉడిమిళ్ళ గ్రామ అటవీ ప్రాంతంలో శనివారం ఉదయం దారుణం చోటు చేసుకుంది. ఆరు బయట నిద్రిస్తున్న పశువుల కాపరి అంజయ్యపై ఎలుగుబంటి దాడి చేసి గాయపరిచిందని స్థానికులు తెలిపారు. స్థానికులు తెలిపిన వివరాల ప్రకారం గాయపడ్డ వ్యక్తి నల్గొండ జిల్లా కాట్రాజు పల్లి గ్రామానికి చెందిన వ్యక్తిగా గుర్తించారు. గాయపడిన వ్యక్తిని అచ్చంపేట ప్రభుత్వ ఆసుపత్రికి తరలించారు. పశువుల కాపరులు అప్రమత్తంగా ఉండాలని అధికారులు తెలిపారు.