గుజరాత్ సమీపంలో తీవ్ర అల్పపీడనం.. 6 గంటల్లో తుఫాన్‌‌గా మారే ఛాన్స్

గుజరాత్ సమీపంలోని కచ్ తీరం, ఈశాన్య అరేబియా సముద్రంలో తీవ్ర అల్పపీడనం ఏర్పడిందని కేంద్ర వాతావరణ శాఖ వెల్లడించింది. అల్ప పీడనం కాస్తా రాబోయే ఆరు గంటల్లో తుఫాన్‌గా మారే అవకాశం ఉందని తెలిపింది. ప్రస్తుతం ఇది పశ్చిమ-వాయువ్య దిశగా కదులుతుందని.. రెండు రోజుల్లో తీరం దాటనుందని పేర్కొంది. దీంతో ప్రజలు అప్రమత్తంగా ఉండాలని, తగిన జాగ్రత్తలు తీసుకోవాలని కేంద్ర వాతావరణ శాఖ సూచించింది.