అసోంలో భూకంపం.. రిక్టర్ స్కేలుపై 4.2 తీవ్రత నమోదు

అసోంలో భూప్రకంపనలు సంభవించాయి. రిక్టర్ స్కేల్‌లో దీని తీవ్రతగా 4.2గా నమోదైంది. బ్రహ్మపుత్ర ఉత్తర ఒడ్డున ఉన్న ఉదల్‌గురి జిల్లాలో ఆదివారం ఉదయం 7:47 గంటలకు భూప్రకంపణలు చోటుచేసుకున్నాయి. 15 కిలోమీటర్ల లోతులో భూకంపం నమోదైనట్లు నేషనల్ సెంటర్ ఫర్ సిస్మాలజీ నివేదిక పేర్కొంది. కాగా, ప్రకంపనలు రావడంతో ప్రజలంతా ఒక్కసారిగా ఇళ్లనుంచి బయటకు వచ్చారు. ఎలాంటి ప్రాణనష్టం, ఆస్తి నష్టం జరగలేదని అధికారులు వెల్లడించారు.