ఎంపీ లాడ్స్ నిధుల నుంచి హైడ్రా కు రూ.25 లక్షలు కేటాయించిన కాంగ్రెస్ ఎంపీ అనిల్ యాదవ్

చెరువులు, నాలాలు ఆక్రమించి చేపట్టిన నిర్మాణాలను కూల్చివేస్తూ హైడ్రా ముందుకు సాగుతున్న విషయం తెలిసిందే. తాజాగా కాంగ్రెస్ రాజ్యసభ ఎంపీ అనిల్ యాదవ్ హైడ్రాకు ఎంపీ లాడ్స్ నిధుల నుంచి రూ.25 లక్షలను కేటాయించారు. ఈ మేరకు ఆయన హైదరాబాద్ లోని బుద్ధభవన్ లో హైడ్రా కమిషనర్ రంగనాథ్ ను కలిశారు. హైడ్రా పని తీరుపై ఎంపీ హర్షం వ్యక్తం చేస్తూ.. నిధుల కేటాయింపునకు సంబంధించిన లేఖను ఆయనకు అందజేశారు. హైడ్రాకు పూర్తి మద్దతు ఇస్తున్నామన్నారు.