దారుణం.. కృష్ణా జిల్లాలో ప్రాణం తీసిన రూ.150 అప్పు

ఏపీలోని కృష్ణా జిల్లాలో దారుణ ఘటన చోటుచేసుకుంది. ప్రొద్దుటూరు నగరానికి చెందిన భుజంగరావు అనే వ్యక్తి వెంకటస్వామి వద్ద రూ. 150 లు అప్పు తీసుకొని తీర్చకపోవడంతో ఇరువురి మధ్య ఘర్షణకు దారితీసింది. ఈ ఘర్షణలో భుజంగరావును వెంకటస్వామి ఛాతిపై గట్టిగా కొట్టడంతో ఒక్కసారిగా కుప్పకూలిపోయాడు. భుజంగరావును కుటుంబసభ్యులు ఆసుపత్రికి తరలించగా, చికిత్స పొందుతూ మృతి చెందాడు. మృతుడి భార్య ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేపట్టారు.