சாத்தூர்: அகழாய்வு ஆராய்ச்சியில் தங்க நாணயம் கண்டெடுப்பு....

சாத்தூர் வெம்பக்கோட்டையில் நடைபெற்று வரும் 3ம் கட்ட அகழாய்வில் 17ம் நூற்றாண்டு புழக்கத்தில் இருந்த தென் இந்திய தங்க காசு என சொல்லப்படும் தங்க நாணயம் கண்டெடுக்கப்பட்டுள்ளது.
விருதுநகர் மாவட்டம்,
சாத்தூர் அருகே வெம்பக்கோட்டையை அடுத்த விஜயகரிசல்குளத்தில் கடந்த 5 ஆயிரம் ஆண்டு நுண் கற்காலத்தை அறியும் வகையில் வைப்பாற்றின் வடகரையில் மேட்டுகாடு பகுதியில் 3-ம் கட்ட அகழாய்வு பணி கடந்த ஜீன் 18-ம் தேதி முதல் துவங்கி நடைபெறுகிறது. முன்னதாக கண்ணாடி மணிகள், கல்மணிகள் மற்றும் பழங்கால சிகை அலங்காரத்துடன் பெண்ணின் தலைப்பகுதி, கிபி 16-ம் நூற்றாண்டு நாயக்கர் கால செம்பு காசு, சங்கு வளையல்கள், திமிலுடன் கூடிய காளை உருவ பொம்மை உள்ளிட்ட 2000-க்கும் மேற்பட்ட பொருள்கள் கண்டறியப்பட்டுள்ள நிலையில் தற்போது நடைபெற்ற அகழாய்வில் 17ம் நூற்றாண்டு புழக்கத்தில் இருந்த தென் இந்திய தங்க காசு என சொல்லப்படும் தங்க நாணயம் கண்டெடுக்கப்பட்டுள்ளது.
இதன் ஒரு பக்கத்தில் 6 இதழ் கொண்ட பூ போன்ற வடிவமும், மற்றொரு பக்கத்தில் புள்ளிகள் கோடுகளால் அலங்கறிக்கப்பட்டு உள்ளது. மேலும் இந்த தங்க நாணயம் முன்னோர்கள் அலங்கார பொருட்களாக பயன்படுத்திருக்கலாம் என ஆராய்ச்சியாளர்கள் தெரிவிக்கின்றனர்.