ஸ்ரீவில்லிபுத்துார்: கஞ்சா விற்பனை செய்த 2 பேர் கைது...

விருதுநகர் மாவட்டம், மாவட்டத்தில் கஞ்சா மற்றும் போதை பொருளை தடுக்கும் விதமாக மாவட்ட காவல் கண்காணிப்பாளர் கண்ணன் உத்தரவின் பேரில் தனிப்படை அமைத்து மாவட்டத்தின் பல்வேறு பகுதியில் போலீஸார் சோதனையில் ஈடுபட்டு வருகின்றனர்.

இந்நிலையில் ஸ்ரீவில்லிபுத்தூர் மதுவிலக்கு சிறப்பு சார்பு ஆய்வாளர் கருப்பசாமி தலைமையிலான போலீஸார் சிவகாசி மற்றும் சுற்று பகுதிகளில் ரோந்து பணி செய்யும் போது சிவகாசி அருகே உள்ள விஸ்வநத்தம் பகுதியில் சிவ பிரகாஷ் மற்றும் கண்ணன் ஆகிய இரண்டு பேரும் சேர்ந்த கஞ்சா விற்பனை செய்து வந்தனர்.

அப்போது அங்கு சென்ற போலீஸார் இருவரையும் மடக்கி பிடித்து சோதனை செய்தனர். சோதனையில் பையில் மறைத்து வைத்திருந்த கஞ்சா பொட்டலங்களை பறிமுதல் செய்தனர். மேலும் சிவ பிரகாஷ் மற்றும் கண்ணன் ஆகிய இருவர் மீது ஸ்ரீவில்லிபுத்துார் மதுவிலக்கு போலீஸார் வழக்கு பதிவு செய்து கைது செய்து விசாரணை நடத்தி வருகின்றனர்.