விழுப்புரத்தில் புரோட்டா மாஸ்டர் இறப்பு

விழுப்புரம் அரசு ஊழியர் நகரில் வசித்து வந்தவர் முகமதுஅலி (வயது 50). இவர் விழுப்புரம் வழுதரெட்டி பகுதியில் உள்ள ஒரு ஓட்டலில் பரோட்டா மாஸ்டராக கடந்த ஓராண்டாக வேலை செய்து வந்தார். இவருக்கு அதிக குடிப்பழக்கம் உண்டு. சம்பவத்தன்று இவர், விழுப்புரம் பெரியார் நகர் சமுதாயக்கூடம் அருகே மயங்கி விழுந்து கிடந்தார். 

உடனே அவரை அக்கம் பக்கத்தினர் மீட்டு சிகிச்சைக்காக முண்டியம்பாக்கம் அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர், ஏற்கனவே முகமதுஅலி இறந்துவிட்டதாக தெரிவித்தார். அவர் எப்படி இறந்தார் என்பது குறித்து விழுப்புரம் தாலுகா போலீசார் வழக்குப் பதிவு செய்து விசாரணை நடத்தி வருகின்றனர்.