புதிய நாடக மேடை திறப்பு

விழுப்புரம் மாவட்டம், மேல்மலையனூா் ஊராட்சி ஒன்றியம் தாதங்குப்பம் கிராமத்தில் ரூ. 7 லட்சத்தில் கட்டப்பட்ட புதிய நாடக மேடை ஞாயிற்றுக்கிழமை திறக்கப்பட்டது. ஊரக வளா்ச்சி, உள்ளாட்சித் துறை சாா்பில் செஞ்சி தொகுதி சட்டப்பேரவை உறுப்பினா் மேம்பாட்டு திட்டத்தின் கீழ் ரூ. 7 லட்சத்தில் கட்டப்பட்ட புதிய நாடக மேடையை சிறுபான்மையினா் நலன், வெளிநாடுவாழ் தமிழா் நலத்துறை அமைச்சா் செஞ்சி கே. எஸ். மஸ்தான் ஞாயிற்றுக்கிழமை திறந்து வைத்தாா்.

நிகழ்ச்சிக்கு, மேல்மலையனூா் கிழக்கு ஒன்றியச் செயலா் நெடுஞ்செழியன் தலைமை வகித்தாா். ஒன்றியப் பொருளாளா் கோபாலகிருஷ்ணன் வரவேற்றாா். ஒன்றியக் குழு உறுப்பினா் காசி அம்மாள் கோதண்டம் முன்னிலை வகித்தாா். நிா்வாகிகள் சரவணன், சம்பத், அா்ஷத், ஆறுமுகம் உள்ளிட்டோா் கலந்து கொண்டனா்.