வேலூர்: மது பாட்டில் பதுக்கி விற்பனை செய்த பெண் கைது
வேலூர் மாவட்டம் ஒடுகத்தூர் அடுத்த மேல் பள்ளிப்பட்டு பகுதியில் மது பாட்டில்களை அதிக விலைக்கு விற்பனை செய்யப்பட்டு வருவதாக அப்பகுதியில் உள்ள பொதுமக்கள் வேப்பங்குப்பம் போலீசாருக்கு ரகசிய தகவல் தெரிவித்தனர். தகவலின் அடிப்படையில் அங்கு சென்று போலீசார் விசாரணை மேற்கொண்டபோது புஷ்பா என்பவரின் வீட்டில் சட்டவிரோதமாக மது பாட்டில்கள் பதுக்கி வைத்து அதிக விலைக்கு விற்பனை செய்தது தெரியவந்தது. இதன் அடிப்படையில் புஷ்பாவை காவல் நிலையம் அழைத்துவந்து வழக்குப் பதிவு செய்து சிறையில் அடைத்தனர்.
