குடியாத்தம்: புளியமரம் சாய்ந்து மின்கம்பங்கள் சேதம்!

வேலூர் மாவட்டம் குடியாத்தம் அடுத்த சீவூர் ஊராட்சி கல்லூர் பகுதியில் குடியாத்தம்- பலமநேரி சாலையில் பழமையான புளியமரம் ஒன்று இன்று திடீரென சாய்ந்தது.

அப்பொழுது அருகே இருந்த மின் கம்பிகள் மீது மரத்தின் கிளை விழுந்தது இதனால் மின்சாரம் உடனடியாக துண்டிக்கப்பட்டது. இதனையடுத்து மரம் சாய்ந்த நிலையில் நான்கு மின்கம்பங்கள் சேதம் அடைந்தது.

இதனையடுத்து போக்குவரத்து தடை செய்யப்பட்டு மாற்றுப்பாதையில் போக்குவரத்தை திருப்பிவிட்ட நிலையில், நெடுஞ்சாலைத் துறையினர் மரத்தை அகற்றும் பணியில் ஈடுபட்டனர். மேலும் மின்வாரிய துறையினர் மின்கம்பங்களை சீர் செய்யும் பணியில் தீவிரமாக ஈடுபட்டு வருகின்றனர்.

இந்த சம்பவத்தில் அதிர்ஷ்டவசமாக யாருக்கும் எந்த விதமான பாதிப்பும் ஏற்படவில்லை என்பது குறிப்பிடத்தக்கது.