வேலூர்: தொடர் டூ வீலர் திருட்டு- வாகன ஓட்டிகள் அச்சம்
வேலூர் மாவட்டத்தில் கடந்த சில நாட்களாக மோட்டார் சைக்கிள் திருட்டு சம்பவங்கள் அதிகரித்துள்ளது. குறிப்பாக வேலூர் மாநக ராட்சி பகுதிகளில் வீடு, கடைகள், வணிக வளாகங்கள் முன்பு நிறுத்தப்படும் மோட்டார் சைக்கிள்களை மர்மநபர்கள் குறிவைத்து திருடி செல்கிறார்கள். அதேபோன்று குடியாத்தம், கே. வி. குப்பம், காட்பாடி உள்பட மாவட்டத்தின் பல்வேறு பகுதிகளிலும் இருசக்கர வாகனங்கள் திருட்டு நாளுக்கு நாள் நடக்கிறது. கடந்த ஒருவார காலத்தில் மாவட்டம் முழுவதும் 50-க்கும் மேற்பட்ட இருசக்கர வாகனங்கள் திருட்டு போய் உள்ளது. இதுகுறித்து போலீசார் வழக்குப்பதிந்து விசாரணை நடத்தி வருகின்றனர். இந்த நிலையில் வேலூர் கஸ்பா, கொசப்பேட்டை, சலவன்பேட்டை, சங்கரன்பாளையம் பகுதியில் வீட்டின் முன்பாக நிறுத்தப்பட்டிருந்த 4 மோட்டார் சைக்கிள்கள் திருட்டு போனது. ஊசூர், ஜி. ஆர். பாளையம், ஸ்ரீபுரம் பகுதியில் 3 மோட்டார் சைக்கிள்கள், குடியாத்தம் டவுன் பகுதியில் 2 மோட்டார் சைக்கிள்களும் திருட்டு போனது. இதுகுறித்து போலீசார் வழக்குப்பதிவு செய்து, அந்த பகுதியில் உள்ள கண்காணிப்பு கேமராக்களை பார்வையிட்டு விசா ரணை நடத்தி வருகின்றனர். வேலூர் மாவட்டத்தில் தொடரும் மோட்டார் சைக்கிள்கள் திருட்டால் இருசக்கர வாகன ஓட்டிகள் அச்சம் அடைந்துள்ளனர்.
