வேலூர்: பேனருக்கு பால் அபிஷேகம் - வேட்டையன் கொண்டாட்டம்!

இயக்குனர் த. செ. ஞானவேல் இயக்கத்தில் சூப்பர் ஸ்டார் நடிகர் ரஜினியின் 170வது படமான "வேட்டையன்" சிறப்பு காட்சி இன்று காலை தமிழகம் முழுவதும் பல்வேறு திரையரங்குகளில் ஒன்பது மணிக்கு வெளியானது.

வேலூரில் உள்ள திரையரங்கு ஒன்றில் சிறப்பு காட்சியை காண குவிந்த ரஜினி ரசிகர்கள், நடிகர் ரஜினியின் திரைப்படத்தில் இடம் பெற்ற "வயசானாலும் உங்க ஸ்டைலும், அழகும் மாறல என்பதற்கு ஏற்றார் போல், ரஜினிக்கும் சரி, ரசிகர்களுக்கும் சரி வயசானாலும் ஸ்டைலும், கொண்டாட்டமும் சற்றும் குறையாமல்" திரையரங்கில் மேல தாளங்கள் முழங்க, சிலம்பம் சுற்றி, பட்டாசுகள் வெடித்து, ரஜினியின் பேனருக்கு பால் அபிஷேகம் செய்து கேக் வெட்டி வேட்டையன் படத்தை கொண்டாடி மகிழ்ந்தனர்.