சுகாதார ஆய்வாளர் சங்க கூட்டமைப்பு சார்பில் ஆர்ப்பாட்டம்

திருவண்ணாமலையில் தமிழ்நாடு சுகாதார ஆய்வாளர் சங்கங்களின் கூட்டமைப்பு சார்பில் மாவட்ட ஆட்சியர் அலுவலக வளாகம் முன்பு மாலை நேர தர்ணா போராட்டம் நடைபெற்றது. பொது சுகாதாரத் துறையில் துணை சுகாதார நிலையிலான சுகாதார ஆய்வாளா் நிலை-2 பணியிடங்கள் நூறு சதவீதம் நிரப்பப்படாமல் உள்ளன. இதனால் நோய்த் தடுப்பு மற்றும் பொது சுகாதாரப் பணிகள் பாதிப்புக்குள்ளாகும் அபாயம் ஏற்பட்டுள்ளது. எனவே போா்க்கால அடிப்படையில் சுகாதார ஆய்வாளா் நிலை-2 பணியிடங்களை நிரப்ப வேண்டும்.
சுகாதார ஆய்வாளா்நிலை-2 பணியிடங்களின் எண்ணிக்கையை 2, 715 ஆக நிா்ணயிக்கக் கோரும் கோப்பின் மீது விரைந்து ஒப்புதல் அளிக்க வேண்டும், ஒரு ஆரம்ப சுகாதார நிலையத்துக்கு ஒரு சுகாதார ஆய்வாளா் நிலை -1 மற்றும் ஒரு துணை சுகாதார நிலையத்துக்கு ஒரு சுகாதார ஆய்வாளா் நிலை-2 என்பதாக சுகாதார ஆய்வாளா் பணி நியமனம் தொடா்பான கொள்கை முடிவை அரசு அறிவிக்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடத்தப்பட்டது.
பின்னர் மாவட்ட ஆட்சியரிடம் கோரிக்கை அடங்கிய மனுவினை அளித்தனர்.