பஸ் வரவிடாமல் தடுத்து நிறுத்தியதால் பரபரப்பு

திருவண்ணாமலை மாவட்டம் செங்கம் பகுதியில் உள்ள பல பகுதிகளில் இருந்து திருவண்ணாமலை அரசு கலைக்கல்லூரி மற்றும் தனியார் கல்லூரி மாணவர்கள் செங்கம் பேருந்து நிலையத்திலிருந்து காலை 8 மணிக்கு இயக்கப்படும் அரசு பேருந்தில் செல்வது வழக்கம்.
அதன்பின் வரும் பேருந்துகள் பல்வேறு பகுதிகளில் இருந்து வருவதால் கூட்ட நெரிசல் அதிக அளவு காணப்படும்
என்பதால் மற்ற பேருந்துகளில் பயணம் செய்ய முடியாத சூழல் ஏற்பட்டு வருகிறது. காலையில் இயக்கப்படும் அரசு பேருந்து செங்கம் பேருந்து நிலையத்திலிருந்து திருவண்ணாமலைக்கு இயக்கப்படாததால் மாணவர் குறிப்பிட்ட நேரத்தில் கல்லூரி மற்றும் பள்ளிகளுக்கு செல்ல முடியாமல் தவித்தனர். மாணவர்களுக்கான அரசு பேருந்தை நிறுத்தி சிறப்பு பேருந்தாக திருவண்ணாமலைக்கு செங்கம் அரசு போக்குவரத்து கழக பணிமனை மாற்றி அமைத்து கல்லூரி நேரத்துக்கான பேருந்து இயக்காததால் கல்லூரி மற்றும் பள்ளிக்குச் செல்லும் மாணவர்கள் பெரும் சிரமத்திற்கு உள்ளாகி உள்ளனர் காலை நேர பேருந்து மாற்றி அமைத்து மாணவர்களுக்கான பேருந்து இயக்கப்படாததால் குறிப்பிட்ட நேரங்களில் கல்லூரி பள்ளிகளுக்கு செல்ல முடியாத மாணவர்களின் தொடர்ந்து தவித்து வரும் அவல நிலை ஏற்பட்டு வருகிறது.
இதனை கண்டித்து திருவண்ணாமலை அரசு கலைக்கல்லூரி மாணவர்கள் செங்கம் பேருந்து நிலையத்திற்குள் வரும் பேருந்துகளை உள்ளே வரவிடாமல் தடுத்ததால் பரபரப்பு ஏற்பட்டது.