ஆரணி: தனியார் பள்ளி மூடல், மாணவர்கள் போராட்டம்

திருவண்ணாமலை மாவட்டம், திருச்செந்தூர் கடலூர் தேசிய நெடுஞ்சாலை, கண்ணமங்கலம் பகுதியில் வேல்ஸ் வித்யாஷ்ரமம் என்ற தனியார் பள்ளி செயல்பட்டு வருகின்றது. இந்த நிலையில் இந்தப் பள்ளி திடீரென்று மூடப்பட்டதால் அப்பகுதியில் பெரும் பரபரப்பு நிலவி வருகின்றது. காலாண்டு விடுமுறை முடிந்து இன்று பள்ளி திறக்கப்படும் என அறிவிக்கப்பட்ட நிலையில், 200 மாணவர்கள் படிக்கும் இப்பள்ளி இன்று மூடியிருந்ததால் மாணவர்கள், பெற்றோர் போராட்டம் நடத்தி வருகின்றனர். பள்ளி நிர்வாகத்தை தொடர்பு கொள்ளவும் முடியவில்லை என பெற்றோர்கள் புகார் தெரிவித்துள்ளனர். ஏற்கனவே கடந்த ஓராண்டாக வேலை பார்க்கும் ஆசிரியர்களுக்கு ஊதியம் வழங்கப்படவில்லை என தகவல் தெரிவிக்கப்பட்டுள்ளது. தகவல் அறிந்து வந்த போலீசார் பாதுகாப்பு பணியில் ஈடுபட்டு வருகின்றனர்.