திருச்சி: பிரியாணியில் விஷம் கலந்து நாய்கள் கொல்லப்பட்டதா?
திருச்சி உறையூர் பகுதியில் ஆங்காங்கே மர்மமான முறையில் 30க்கும் மேற்பட்ட நாய்கள் நேற்று (நவம்பர் 11) இறந்து கிடந்தன. இது குறித்து விலங்குகள் நல அமைப்பினர் போலீசில் புகார் அளித்துள்ளனர். உறையூர், வயலூர் சாலை, குமரன் நகர், கீதா நகர் ஆகிய பகுதிகளில் பிரியாணியில் விஷம் வைத்து யாரோ மர்மநபர்கள் நாய்களைக் கொன்றுள்ளதாக அப்பகுதி பொதுமக்கள் தெரிவித்தனர். இதைத் தொடர்ந்து இதுகுறித்து விலங்குகள் நல அமைப்பினர் உறையூர் காவல் நிலையத்தில் புகார் அளித்துள்ளனர்.
