திருவைகுண்டம் அரசு மருத்துவமனைக்கு நல்லகண்ணு பெயர்

திருவைகுண்டம் அரசு மருத்துவமனைக்கு இந்திய கம்யூனிஸ்ட் கட்சியின் மூத்த தலைவர், சுதந்திரப் போராட்ட வீரர் நல்லகண்ணுவின் பெயரை சூட்ட முதலமைச்சர் மு.க.ஸ்டாலின் உத்தரவிட்டுள்ளார். நல்லகண்ணு இன்று (டிச., 26) தனது 100வது பிறந்தநாளை கொண்டாடுகிறார். இந்த நிலையில், நல்லகண்ணுவின் கோரிக்கையை ஏற்று அவர் பிறந்த திருவைகுண்டம் அரசு மருத்துவமனையை தரம் உயர்த்த முதலமைச்சர் உத்தரவிட்டுள்ளார். அதே போல், அவரை பெருமைப்படுத்தும் வகையில், அங்கு அமையவுள்ள புதிய கட்டிடத்திற்கு நல்லகண்ணு பெயரை சூட்டவும் உத்தரவிட்டுள்ளார்.