தஞ்சாவூர்: மாநகராட்சி தூய்மைப் பணியாளர்களுக்கு சீருடை வழங்கல்
தஞ்சாவூர் மாநகராட்சி 51 வார்டுகளுக்குட்பட்ட பகுதிகளில் பணியாற்றும் நிரந்தர துாய்மை பணியாளர்களுக்கு சீருடைகளை மேயர் சண் ராமநாதன் வழங்கினார். தஞ்சை மாநகராட்சி 51 வார்டுகளுக்குட்பட்ட தூய்மை பணியாளர்கள் ஆண்கள் 153 பேர், பெண்கள் 111 பேர் ஆக மொத்தம் 264 பணியாளர்களுக்கு தீபாவளி பண்டிகையை முன்னிட்டு சீருடைகள் வழங்கும் விழா மாநகராட்சி அலுவலகத்தில் நடந்தது. மேயர் சண் ராமநாதன் தலைமை வகித்து சீருடைகளை வழங்கி தீபாவளி வாழ்த்துக்களை தெரிவித்தார். மாநகராட்சி ஆணையர் கண்ணன், மாநகர்நல அலுவலர் நமசிவாயம் மற்றும் அலுவலர்கள் கலந்து கொண்டனர்.
