நுகர்பொருள் வாணிபக் கழக விளையாட்டு போட்டிகள் துவக்கம்

தஞ்சாவூர் அன்னை சத்யா விளையாட்டு அரங்கில் தமிழ்நாடு நுகர்பொருள் வாணிபக் கழகம் தஞ்சாவூர் மண்டலம் சார்பில், 21வது மாநில உள்மண்டலங்களுக்கு இடையிலான விளையாட்டுப் போட்டிகளை மாவட்ட ஆட்சித்தலைவர் பா. பிரியங்கா பங்கஜம் சனிக்கிழமை  கொடியசைத்து துவக்கி வைத்தார்.

பின்னர் இப்போட்டிகளில் கலந்துகொண்ட தமிழ்நாடு நுகர்பொருள் வாணிபக் கழக அலுவலர்கள், பணியாளர்களுக்கு மாவட்ட ஆட்சித்தலைவர்  வாழ்த்து தெரிவித்தார். இதில், 34 மண்டலங்களைச் சேர்ந்த 871 பேர் கலந்து கொண்டனர். இப்போட்டிகளில் சனி, ஞாயிறு இருதினங்கள் நடைபெறுகிறது. இந்நிகழ்ச்சியில், மத்திய விளையாட்டுக் குழும தலைவர் சென்னை மற்றும் பொது மேலாளர் மு. ராதாகிருஷ்ணன், மத்திய விளையாட்டுக் குழும செயலாளர் சென்னை மற்றும் பொது மேலாளர் ஸ்வெட்லானா ரகுராஜன், தமிழ்நாடு நுகர்பொருள் வாணிபக் கழக முதுநிலை மண்டல மேலாளர் (பொ), வி. கார்த்திகைசாமி மற்றும் பலர் கலந்து கொண்டனர்.