ஒரத்தநாடு அருகே பைக்கில் இருந்து கீழே விழுந்து விவசாயி சாவு
ஒரத்தநாட்டை அடுத்துள்ள கண்ணுகுடி கிராமத்தை சேர்ந்தவர் ஜெயச்சந்திரன் (வயது40) விவசாயி, இவர் நேற்று முன்தினம் ஒரு துக்க நிகழ்ச்சிக்கு சென்று விட்டு மோட்டார் சைக்கிளில் பாப்பாநாடு -மதுக்கூர் சாலையில் வீட்டுக்கு திரும்பி வந்து கொண்டு இருந்தார். அப்போது கொத்தயக்காடு அருகே சென்றபோது மோட்டார் சைக்கிளில் இருந்து ஜெயச்சந்திரன் தவறி கீழே விழுந்தார். இதில் படுகாயம் அடைந்து உயிருக்கு போராடிய அவரை அக்கம், பக்கத்தினர் மீட்டு சிகிச்சைக்காக தஞ்சை அரசு மருத்துவக்கல்லூரி மருத்துவமனையில் சேர்த்தனர். அங்கு சிகிச்சை பலனின்றி ஜெயச்சந்திரன் நேற்று முன்தினம் இரவு 2 பரிதாபமாக உயிரிழந்தார். இதுகுறித்து பாப்பாநாடு போலீசார் வழக்குப்பதிவு செய்து விசாரணை நடத்தி வருகின்றனர்.
